श्रीवैद्यनाथाष्टकम्
मृत्युञ्जयाय रुद्राय नीलकण्ठाय शम्भवे । अमृतेशाय शर्वाय महादेवाय ते नमः ॥
श्रीरामसौमित्रिजटायुवेदषडाननादित्यकुजार्चिताय ।
श्रीनीलकण्ठाय दयामयाय श्रीवैद्यनाथाय नमः शिवाय ॥ १ ॥
गङ्गाप्रवाहेन्दुजटाधराय त्रिलोचनाय स्मरकालहन्त्रे ।
समस्तदेवैरभिपूजिताय श्रीवैद्यनाथाय नमः शिवाय ॥ २ ॥
भक्तप्रियाय त्रिपुरान्तकाय पिनाकिने दुष्टहराय नित्यम् ।
प्रत्यक्षलीलाय मनुष्यलोके श्रीवैद्यनाथाय नमः शिवाय ॥ ३ ॥
प्रभूतवातादिसमस्तरोगप्रणाशकर्त्रे मुनिवन्दिताय ।
प्रभाकरेन्द्वग्निविलोचनाय श्रीवैद्यनाथाय नमः शिवाय ॥ ४ ॥
वाक्श्रोत्रनेत्राङ्घ्रिविहीनजन्तोर्वाक्श्रोत्रनेत्राङ्घ्रिसुखप्रदाय ।
कुष्ठादिसर्वोन्नतरोगहन्त्रे श्रीवैद्यनाथाय नमः शिवाय ॥ ५ ॥
वेदान्तवेद्याय जगन्मयाय योगीश्वरध्येयपदाम्बुजाय ।
त्रिमूर्तिरूपाय सहस्रनाम्ने श्रीवैद्यनाथाय नमः शिवाय ॥ ६ ॥
स्वतीर्थमृद्भस्मभृदङ्गभाजां पिशाचदुःखार्तिभयापहाय ।
आत्मस्वरूपाय शरीरभाजां श्रीवैद्यनाथाय नमः शिवाय ॥ ७ ॥
श्रीनीलकण्ठाय वृषध्वजाय स्रग्गन्धभस्माद्यभिशोभिताय ।
सुपुत्रदारादिसुभाग्यदाय श्रीवैद्यनाथाय नमः शिवाय ॥ ८ ॥
बालाम्बिकेश वैद्येश भवरोगहरेति च । जपेन्नामत्रयं नित्यं महारोगनिवारणम् ॥
śrīvaidyanāthāṣṭakam
mṛtyuñjayāya rudrāya nīlakaṇṭhāya śambhave | amṛteśāya śarvāya mahādevāya te namaḥ ||
śrīrāmasaumitrijaṭāyuvedaṣaḍānanādityakujārcitāya |
śrīnīlakaṇṭhāya dayāmayāya śrīvaidyanāthāya namaḥ śivāya || 1 ||
gaṅgāpravāhendujaṭādharāya trilocanāya smarakālahantre |
samastadevairabhipūjitāya śrīvaidyanāthāya namaḥ śivāya || 2 ||
bhaktapriyāya tripurāntakāya pinākine duṣṭaharāya nityam |
pratyakṣalīlāya manuṣyaloke śrīvaidyanāthāya namaḥ śivāya || 3 ||
prabhūtavātādisamastarogapraṇāśakartre munivanditāya |
prabhākarendvagnivilocanāya śrīvaidyanāthāya namaḥ śivāya || 4 ||
vākśrotranetrāṅghrivihīnajantorvākśrotranetrāṅghrisukhapradāya |
kuṣṭhādisarvonnatarogahantre śrīvaidyanāthāya namaḥ śivāya || 5 ||
vedāntavedyāya jaganmayāya yogīśvaradhyeyapadāmbujāya |
trimūrtirūpāya sahasranāmne śrīvaidyanāthāya namaḥ śivāya || 6 ||
svatīrthamṛdbhasmabhṛdaṅgabhājāṃ piśācaduḥkhārtibhayāpahāya |
ātmasvarūpāya śarīrabhājāṃ śrīvaidyanāthāya namaḥ śivāya || 7 ||
śrīnīlakaṇṭhāya vṛṣadhvajāya sraggandhabhasmādyabhiśobhitāya |
suputradārādisubhāgyadāya śrīvaidyanāthāya namaḥ śivāya || 8 ||
bālāmbikeśa vaidyeśa bhavarogahareti ca | japennāmatrayaṃ nityaṃ mahāroganivāraṇam ||